جندي الكواليس

شعر : علي زعيل

مسكين ياجندي الكواليس

بابك نحيس ودوم مقفول

دربك حمر نابت دبابيس

لأنك فقير ولا أنته بمسؤول

محسوب من باب المفاليس

يعني صفر دايم على طول

مأمور لازم تضغط الريس

وتشد حيلك وتسمع القول

واحذر من فرط الاحاسيس

ولا ، لا اتذمر ، خلك بس مشغول

مكروف من قبل المباليس

مهزوب مرة، ومرة ومنقول

افضل وأحسن تستوي تيس

عقلك ترا مب مثل لعقول

خله لأصحاب العُقل المناكيس

لأنك بصراحة (مبني لمجهووول)